在天国的你还好吗?

热度 16

分享到:   分享到QQ空间
已有 2079 次阅读 2020-2-3 01:14 |系统分类:情感

        奶奶(我家婆),你已经离开左我地差不多有4个月了,你在天国还好吗?我地都好挂住你,特别系老爷,拒特别的挂住你,几乎每日都会提到你,你的离开我至今还不能释怀,一直没有想过你系甘严重,一直找不到唔想吃野的病因,或者早D送你去广州治疗,会找到个病因,但一切都已经迟了,你会怪我地吗?你总是唔想麻烦人地,自己捱得到的事情总会自己解决,系医院都唔使我地陪你,话行得走得,直到越来越虚弱,先叫老爷陪你,我从来无念过你会甘严重的,系我地太疏忽,仲记得你去广州之前,我同D女去睇你,我话你去广州快D睇番好,你D孙都等你番来,你叫我帮你撩耳仔,你话住院甘耐都无撩过啦,我帮你按下D手脚,打针都打肿晒,你话细妹最乖又靓,最识逗你开心,要俾钱俾拒整好D牙,你以前成日话长大后叫D孙帮你按摩,我就话嫲嫲要睇你地嫁人,我仲记得我D女出世,系你帮拒地冲凉,我自己唔敢帮拒地冲,你煲粥仔俾拒地食,好有心机喂拒地,读幼儿园放学后整野俾拒地吃,奶奶呀,你点解甘舍得走呀,我相信你都唔舍得走的,你D孙先甘细,先岩读一年级,你仲话要接拒放学,你系一个非常勤劳的人,每天早上都会早早的起床煮好早餐,然后买好送煮饭,每日都系甘样,对我的两个女亦都好好,唔会因为我生的系女,会有重男轻女

奶奶,希望你系天国可以过得好好地,保佑你D屋企人,个个都好好地,个个都身体健康,如果有下辈子,等我有机会服侍你,等我煮下饭俾你吃,可能我唔系做得好好,希望你唔好嫌弃,唔好见怪,你走左之后,我衣家要买送煮饭,同埋清洁,加上要番工同抽D女,有时自己情绪都唔系好好,不过我好感恩,我觉得呢D都系小事,只要一家人齐齐整整先系最重要,希望屋企人都和和气气,团结一致,奶奶,你系天国一定要吃得饱饱的,唔好话唔想吃呀,天国无病痛,我知你一直睇住我地,指引我地,保佑紧我地,我知自己做得仲唔够好,我希望将来的日子,自己会做得更好,照顾好家庭,等你唔使担心!

我奶奶离开,令我知道生命其实好脆弱,几个月前仲好好地的一个人,只不过系两个月的时间就无左,都系个句:子欲养而亲不在,希望所有的人都珍惜当下所拥有的一切,感恩我现在所拥有的一切,所有我爱的人和爱我的人都幸福快乐,希望自己心态更积极一些,因为有时觉得自己有D抑郁,2019年发生太多唔好的事,希望一切一切都会过去,希望现在疫情快点过去,每个人都健康快乐!

9

路过

无奈

同意


无言

激气

刚表态过的朋友 (9 人)

发表评论 评论 (8 个评论)

回复 ald442000ald 2020-2-3 02:05
好好珍惜眼前人
回复 微信用户 2020-2-4 21:57
一切都会好的,照顾好家庭,你奶奶一直都在
回复 yanxingjian 2020-2-9 17:00
好好珍惜身边的人
回复 laoyang 2020-2-13 10:41
“有时自己情绪都唔系好好,不过我好感恩,我觉得呢D都系小事,只要一家人齐齐整整先系最重要”呢度寫的好好,我都係甘念,好好珍惜眼前人
回复 xander 2020-2-18 15:40
珍惜眼前人……我的高比啊~~未来得切见一面就走左,佐敦之后唯一的向往
回复 mc_liu 2020-2-20 17:57
请问你奶奶不想吃东西的病是什么病吗?我妈妈现在也是经常不想吃东西
回复 453405707 2020-2-22 10:14
mc_liu: 请问你奶奶不想吃东西的病是什么病吗?我妈妈现在也是经常不想吃东西
我老公有个舅父类似甘症状。诊断是胃癌
回复 vincent01 2020-2-23 22:02
我有个同款的奶奶,也是在天国!

facelist

你需要登录后才可以评论 登录 | 注册

广告服务|联系我们|业务QQ:1410042382 , sysop@oncity.me|Archiver|OnCity 社区网 ( 粤B2-20040775号 )

GMT+8, 2020-9-20 00:27 , Processed in 0.021173 second(s), 10 queries , Memcache On.

Powered by OnCity.cc X1.5

© 2000-2017